Kamati ya Bunge Yatembelea Mpwapwa

Posted on: August 11th, 2021

Kamati ya Bunge ya Hesabu za Serikali za Mitaa (LAAC) chini ya kiongozi Mhe. Grace Peter Tendega leo imetembelea Halmasahuri ya Wilaya ya Mpwapwa. Katika ziara hiyo wajumbe wa kamati hiyo wametembelea na kukagua miradi ya Ujenzi wa vyumba viwili vya Madarasa  Shule ya Msingi  Vinghawe na ujenzi wa ukumbi wa Halmashauri ya Wilaya ya Mpwapwa. Kamati imebaini katika uwekaji wa silingibodi upande wa nyuma wa jengo haikuwekwa, hivyo kamati imemuagiza Mkurugenzi wa Halmashauri ya Wilaya ya Mpwapwa  Ndugu Mwanahamishi H. Ally  kuhakikisha sehemu iliyobaki inawekwa silingibodi kwa wakati.

Kamati ya Bunge ikiongozwa na Mhe. Tendega (wa tano kulia waliosimama mbele) wakikagua moja ya darasa katika shule ya Msingi Vinghawe.

Aidha katika Ujenzi wa Ukumbi wa Halmashauri Kamati imebaini ujenzi kusimama kwa muda mrefu na Halmashauri kutenga bajeti kidogo katika umaliziaji wa ukumbi huu.Kamati imeagiza ndani ya miezi mitatu Halmashauri ya Wilaya ya Mpwapwa ihakikishe imeandika andiko na kuliwasilisha Wizara ya Fedha ili kuweza kupata fedha za kumalizia jengo hili.

Kamati ya Bunge  ikikagua jengo la ukumbi wa Halmashauri

Mwisho Mwenyekiti  wa Halamashauri ya Wilaya ya Mpwapwa Mhe. George Fuime amewashukuru wajumbe wa  kamati  ya Bunge kwa kuitembelea Halmashauri ya Wilaya ya Mpwapwa na kuahidi kuyasimamia yote yaliyoagizwa na kamati.